Қўшимча функционаллар
-
Тунги кўриниш
Ўзбек-қирғиз автомобиль заводи қурилиши бошланди
«Алтин Тулпар Унаа Қурулуш» заводида енгил автомобиллар билан тижорат техникаси йиғилади ва ишлаб чиқарилади.
Фото: gov.kg
Қирғизистоннинг Чуй вилояти, Оқсув қишлоғида енгил автомобиллар билан тижорат техникасини йиғиш ва ишлаб чиқариш заводи қурилиши бошланди.
Ўзбекистон билан ҳамкорликда барпо этиладиган «Алтин Тулпар Унаа Қурулуш» заводи пойдеворига тамал тоши қўйиш маросимида Қирғизистон Вазирлар Маҳкамаси раҳбари Оқилбек Жапаров иштирок этди. У икки қардош республика бирлигини мустаҳкамлашга улкан ҳисса қўшган Қирғизистон ва Ўзбекистон президентларига миннатдорлик билдирди.
Қирғизистон ҳудудида завод қуриш бўйича келишувга Ўзбекистон президенти Шавкат Мирзиёевнинг 2023 йил январидаги расмий ташрифи чоғида эришилган эди. Дастлабки босқичда заводнинг ишлаб чиқариш қуввати йилига 10 минг дона автомобилни ташкил этади, мингдан ортиқ доимий иш ўрни яратилади.
Дастлабки 6 йил давомида 30 минг дона автомобиль ишлаб чиқариш, 2 минг иш ўрни яратиш режалаштирилган. Заводда Chevrolet, Daewoo ва Isuzu автомобиллари ишлаб чиқарилади.
Лойиҳа Ўзбекистондан – «Ўзавтосаноат» АЖ, Қирғизистондан – «ДТ техника» МЧЖ ва «Нур» АЖ томонидан амалга оширилади. Жами сармоя ҳажми 50 миллион долларни ташкил этади.
Мавзуга оид
09:20
Чегарадан ноқонуний олиб ўтилган 1,1 млрд сўмлик олтин қўлга олинди
10:00 / 01.12.2025
Қирғизистондаги сайловлар: Жапаровга содиқ номзодлар деярли барча округда ғалаба қозонди
17:04 / 30.11.2025
Мухолифатчилар ҳибсга олиниши ва энергетика инқирози. Қирғизистонда навбатдан ташқари парламент сайловлари қандай шароитда ўтмоқда?
11:20 / 30.11.2025