Ўзбекистонда шаҳарда яшовчи доимий аҳолининг улуши кўпаймоқда

1991 йил бошида Ўзбекистон Республикаси доимий аҳолиси таркибида шаҳар жойларда яшовчи аҳолининг улуши 40,3 фоизни ташкил этган. 

Давлат статистика қўмитаси маълумотларига кўра, 2022 йил бошига келиб, ушбу кўрсаткич 50,9 фоизни ташкил этган ҳамда 1991 йилга нисбатан 10,6 фоизга кўпайган.

Йиллар кесимида доимий аҳолининг шаҳар жойларда яшовчилари улуши: 

— 1991 йил – 40,3 фоиз;
— 2000 йил – 37,4 фоиз;
— 2010 йил – 51,5 фоиз;
— 2020 йил – 50,6 фоиз;
— 2022 йил – 50,9 фоиз.