«Нексия-1» автомобили ва унинг яқинида бўлган 2 та «Дамас» русумли автомашиналарга турли даражада зарар етган
Бугун, 9 июнь куни соат 09:55 да Тошкент вилояти Паркент тумани «Қайилма» МФЙ, Алишер Навоий шоҳкўчасида жойлашган автомобилларга газ қуйиш шохобчаларининг бирида портлаш содир бўлди.
Фавқулодда вазиятлар вазирлиги хабарига кўра, «Нексия-1» русумли автомашинага газ қуйиш вақтида унга ўрнатилган газбаллонда ёрилиш ҳодисаси рўй берган.
Оқибатда, «Нексия-1» автомобили ва унинг яқинида бўлган 2 та «Дамас» русумли автомашиналарга турли даражада зарар етган.
Воқеа жойига ФВВ қутқарувчилари ва тегишли ташкилот вакиллари етиб борган. Вазият оқибатлари бартараф этилмоқда.
Ҳодиса оқибатида тан жароҳати олган ва ҳалок бўлганлар йўқ.
