Тошкентдаги бозор 1 млрд сўмлик электр энергиясидан ноқонуний фойдаланди

Қоидабузарга чора кўрилган, ҳужжатлар ҳуқуқни муҳофаза қилувчи органларга тақдим этилган.

Фото: Энергетика вазирлиги матбуот хизмати

Тошкент шаҳри, Мирзо Улуғбек туманида жойлашган Наврўз деҳқон бозорида электр энергиясидан ноқонуний фойдаланиш ҳолати фош этилди.

Энергетика вазирлиги хабарига кўра, «Ўзэнергоинспекция» ва ҳуқуқни муҳофаза қилувчи органлар билан биргаликда ўтказилган назорат тадбирида бозор маъмурияти ойлик ҳисоботларда ўлчов тизимидаги ток трансформаторининг ҳақиқий коэффициентини камайтириб кўрсатгани маълум бўлган. Оқибатда, электр таъминоти корхонасига 1 млрд сўмдан ортиқ зарар етказилган.

Қоидабузар истеъмолчига нисбатан белгиланган тартибда чоралар кўрилган, тегишли ҳужжатлар ҳуқуқни муҳофаза қилувчи органларга тақдим этилган.

Тайёрлаган: Сардор Юсупов

#электр энергияси #Энергетика вазирлиги