Футзал бўйича Ўзбекистон чемпионатида мавсум якунига етди.
11 июн куни Юнусобод спорт мажмуасида сўнгги тур баҳслари бўлиб ўтди. Марказий ўйинда муддатидан аввал 1-ўрин масаласини ҳал қилган ВМВ клуби ўтган мавсум чемпиони «Жиззах Кентекс» дарвозасига жавобсиз 7та тўп киритди.
Беллашувдан сўнг ғолиб ва совриндорларни тақдирлаш маросими ўтказилди — ВМВ жамоасига олтин медаллар топширилди. ОКМК кумуш, «Жиззах Кентекс» бронза медалларига сазовор бўлди.
Индивидуал мукофот соҳиблари ҳам аниқланди. Чемпион жамоадан Музаффар Аҳаджонов мавсумнинг энг яхши футзалчиси, Нодир Элибоев эса энг яхши мураббий деб топилди. ОКМК ҳужумчиси Абдулла Солиҳов 51та гол билан тўпурарга айланди.
Қуйида сўнгги турнинг марказий баҳси ва тақдирлаш маросимидан фотосуратларни томоша қилишингиз мумкин.
Суратлар муаллифи — Ҳасан Юсупов
