Биринчи ярим йилликда 10 мингга яқин ўзбекистонлик Россия фуқаролигини олди

Умумий ҳисобда 205 мингдан ортиқ хорижлик Россия паспортига эга бўлди.

Фото: РИА Новости

2023 йил биринчи ярмида 205 мингдан ортиқ хорижлик Россия фуқаролигини олди. Бу 2022 йилнинг шу даврига нисбатан 38,2 минг кишига кам. Бу ҳақда Россия Ички ишлар вазирлигининг Россия Федерациясидаги миграция вазияти бўйича расмий статистик маълумотларида айтилади. Рақамлар Asia-Plus томонидан келтирилди.

Шу давр мобайнида 9340 нафар ўзбекистонлик Россия фуқаролигини олган. Бу хориж давлатлари ичида олтинчи кўрсаткич.

Статистик маълумотларга кўра, Россия фуқаролигини олишда Тожикистон фуқаролари етакчилик қилмоқда — 87 минг, иккинчи ўринда Украина фуқаролари – 39 минг, Арманистон эса учинчи ўринда – деярли 18 минг.

Кейинги ўринларда Қозоғистон (13 876) ва Қирғизистон (10 500).

Тайёрлаган: Сардор Юсупов

#миграция #Россия #фуқаролик