4 сентябрдан Ўзбекистондаги барча таълим муассасалари — боғча, мактаб, олийгоҳларда дарс жараёнлари бошланди. Kun.uz мухбири пойтахт кўчаларида бўлиб, жамоат транспорт бўйича аҳоли фикри билан қизиқди.
Сўровномада иштирок этганларнинг кўпчилиги ҳозирча автобуслар вақтида келаётгани, жамоат транспорти анча яхшиланганини қайд этди.
Автобус ҳайдовчилари эса ҳаракат таркиби кўпайтирилгани, интерваллар камайганини қайд этишдан ташқари бекатларда енгил автомобиллар қўйиб кетилаётгани бу эса тўхташда қийинчилик туғдираётганлигини таъкидлади.
Шунингдек, шаҳарда енгил машиналарнинг кўплиги ортидан тирбандликларда қолиб кетишаётгани ва бунинг оқибатида интервал вақти узайиб қолаётганини билдиришди.
