Филиппин, Япония ва Индонезияда ўтказилган баскетбол бўйича жаҳон чемпионати якунланди.
Фото: Getty Images
Финалда Германия Сербияни 83:77 ҳисобида мағлубиятга учратиб, ўз тарихида илк бор жаҳоннинг тенгсиз жамоасига айланди.
Сардор Деннис Шредер 28 очко тўплаб, немислар ғалабасига катта ҳисса қўшди. У турнирнинг энг яхши баскетболчиси деб топилди.
3-ўрин учун кечган баҳсда Канада АҚШдан қўшимча бўлимларда устун келди ва биринчи марта совриндор бўлди — 127:118.
Навбатдаги жаҳон чемпионати 2027 йили Қатарда бўлиб ўтади.
