Бу борадаги қарор 22 сентябр куни қабул қилинган.
Фото: Shutterstock
Қирғизистон ун ҳамда буғдой экспортига тақиқ қўйди. Мамлакат Қишлоқ хўжалиги вазирлигига кўра, бу ҳақда Вазирлар Маҳкамасининг «Қирғизистон республикасидан айрим турдаги қишлоқ хўжалиги маҳсулотлари экспортини вақтинча тақиқлаш тўғрисида»ги қарорида белгиланди.
Тақиқ ун (буғдой уни) ҳамда ғаллага тааллуқли бўлиб, у 6 ой давомида амалда бўлади.
Таъкидланишича, қарор озиқ-овқат хавфсизлигини таъминлаш, озиқ-овқат маҳсулотларининг бозор нархини барқарорлаштириш учун қабул қилинган.
Қарор 22 сентябр куни қабул қилинган ва орадан 3 кун ўтиб — бугундан кучга кирган.
