Бунга довонда кучли қор ёғаётгани сабаб бўлган.
Фото: Kun.uz
М-39 халқаро автомобил йўлининг Қашқадарё ва Самарқанд вилоятлари чегарасида жойлашган Тахтақорача довонидан ўтган қисми автомобиллар ҳаракати учун вақтинча ёпилган.
Фавқулодда вазиятлар вазирлиги ахборот хизмати хабар беришича, бунга довонда кучли қор ёғаётгани сабаб бўлган.
“Айни дақиқаларда ФВВ раҳбарлигида тегишли ташкилотларнинг мутахассислари томонидан вазият оқибатларини бартараф этиш борасида кенг кўламли профилактик ишлар амалга оширилмоқда. Тахтақорача довонининг қайта очилиши бўйича ФВВ Ахборот хизмати қўшимча маълумот тақдим этади”, дейилади хабарда.
