NASA Қуёшдаги қўрқинчли чақнаш суратини кўрсатди

Чақнаш энг кучли сифатида таснифланди, у радиоалоқа, электр тармоқлари ва навигация сигналларига таъсир қилиши ва космик кемалар, астронавтлар учун хавф туғдириши мумкин.

Фото: NASA

9 феврал куни Қуёшда кучли чақнаш кузатилди - NASA Қуёш динамикаси обсерваторияси ходимлари бу лаҳзани суратга олишга муваффақ бўлишди.

Фотосуратда ултрабинафша нурланиш қайд этилган, у пастки ўнг қисмида аниқ кўринади.

Қуёш чақнаши - бу Қуёш юзасидаги портлаш бўлиб, қисқа вақт ичида жуда катта миқдорда энергия чиқаради.

Чақнаш кучи Х3.3 сифатида таснифланган. Х - чақнаш синфини (энг кучли портлашларни) билдиради, рақамлар эса синф ичидаги кучни билдиради (максимал 10, лекин бундай чақнаш жуда кам учрайди).

NASA таъкидлашича, Х синфидаги чақнашлар радиоалоқа, электр тармоқлари ва навигация сигналларига таъсир қилиши ва космик кемалар, астронавтлар учун хавф туғдириши мумкин.

Қайд қилинишича, келажакда янада кучли чақнашларни кутиш мумкин: қуёш цикли максимал фаолликка яқинлашмоқда.

Тайёрлаган: Сардор Юсупов

#NASA #Қуёш #Астрономия