Тошкент вилоятида бир йилда жами 4 мингга яқин ерга оид ҳуқуқбузарлик ҳолатлари аниқланди.
Фото: Kun.uz
Кадастр агентлигининг Тошкент вилояти бошқармаси хабарига кўра, идора томонидан 2023 йил давомида олиб борилган назорат тадбирлари давомида жами 3 949 та ерга оид ҳуқуқбузарлик ҳолатлари аниқланган.
Энг кўп ҳолатлар қуйидаги ҳудудларда қайд этилган:
- Янгийўл тумани — 251 та;
- Тошкент тумани — 248 та;
- Юқори Чирчиқ тумани — 241 та;
- Бўстонлиқ тумани — 210 та.
Бошқарма фуқаролардан рухсатсиз қурилиш қилмасликни, ерларни ўзбошимчалик билан эгаллаб олмасликни ва эгалик ҳуқуқи мавжуд бўлганда ўз вақтида давлат рўйхатидан ўтказишни сўраган.
