Ўзбекистон ташқи савдо айланмаси қарийб 10 млрд долларга етди

2024 йилнинг январ-феврал ойларида Ўзбекистон Республикасининг ташқи савдо айланмаси 9,9 млрд АҚШ долларидан ошган.

Фото: Kun.uz

Статистика агентлиги маълумотларига кўра, Ўзбекистон 2 ойда 151 та мамлакат билан савдо алоқаларини амалга оширган.

Ташқи савдо айланмаси ҳажми 2023 йилнинг мос даври билан солиштирилганда 940,3 млн АҚШ долларига ёки 10,5 фоизга ошган.

Ташқи савдо айланмасининг нисбатан салмоқли ҳиссаси Хитой (21,5 фоиз), Россия (17,8 фоиз), Қозоғистон (5,9 фоиз), Туркия (4,4 фоиз) ва Корея Республикасида (3,7 фоиз) қайд этилган.