3–8 апрел кунлари кутилаётган ёғингарчилик ва ҳаво ҳарорати ўзгариши сабабли Қашқадарё, Сурхондарё, Самарқанд, Жиззах, Тошкент ва Наманган вилоятларида қор кўчиш хавфи юзага келиши мумкин.
Фото: Kun.uz
Гидрометеорология хизмати агентлиги 3–8 апрел кунлари кутилаётган ёғингарчилик ва ҳаво ҳароратининг ўзгариши сабабли айрим ҳудудларда қор кўчиш хавфи юзага келиши мумкинлигидан огоҳлантирди.
Республиканинг тоғолди ва тоғли ҳудудларида, жумладан:
- Қашқадарё вилояти: Деҳқонобод, Китоб, Шаҳрисабз, Қамаши туманларида;
- Сурхондарё вилояти: Узун, Бойсун, Қумқўрғон, Сариосиё туманларида;
- Самарқанд вилояти: Ургут, Самарқанд, Нуробод, Қўшработ туманларида;
- Жиззах вилояти: Зомин, Бахмал туманларида;
- Тошкент вилояти: Оҳангарон, Бўстонлиқ, Паркент туманларида (Чотқол тизмаси тоғлари);
- Наманган вилояти: Поп туманида шундай ҳодисалар рўй бериши мумкин.
Тоғолди ва тоғли ҳудудларда истиқомат қилувчи фуқаролар, дам олувчиларни ҳамда тоғли ҳудудларда ҳаракатланувчи ҳайдовчилардан эҳтиёткорлик чораларини кўришлари сўралди.
Бундан аввалроқ «Ўзгидромет» 3 апрел куни вақти-вақти билан ёмғир ёғиши, момақалдироқ бўлиши кутилаётгани ҳақида хабар берганди.
