Россия зарбаси шаҳарнинг Шевченко туманидаги турар жой биноларига тегди, деб хабар берди Харкив мэри Игор Терехов.
Россиянинг 6 апрел, шанбага ўтар кечаси Харкивга берган зарбаси натижасида шаҳарнинг Шевченко туманида олти киши ҳалок бўлди. Яна ўн киши яраланган, деди шаҳар мэри Игор Терехов.
Дронлар турар жойларгача «етиб келган» – камида 9 та кўп қаватли уй, учта ётоқхона, бир қатор маъмурий бинолар, дўкон, ёнилғи қуйиш шохобчаси, техник хизмат кўрсатиш шохобчаси ва 10 та машина зарар кўрган», — дейилади унинг Telegram’даги постида.
УҚК Ҳаво кучлари қўмондонлиги маълумотларига кўра, Россия бир кечанинг ўзида Украинага ҳужум қилиш учун 32 та УУАдан фойдаланган. Мамлакат ҳаво ҳужумидан мудофаа кучлари 28 та дронни уриб туширишга муваффақ бўлди. Бундан ташқари, 6 апрел куни эрталаб РФ ҚК Украинага турли турдаги олтита қанотли ракеталарни учирди: учта С-300 Белгород вилоятидан, иккита Х-101/Х-555 Саратов вилоятидаги стратегик самолётлардан ва битта «Калибр» ракетаси Қора денгиз акваториясидан.
Россиянинг Харкивга ҳужуми
Бир кун аввал, 5 апрелга ўтар кечаси Игор Терехов Россиянинг Харкивга ҳужуми чоғида Shahed дронларидан бири 14 қаватли кўп қаватли уйга урилгани, бу эса бир неча қаватдаги квартираларнинг вайрон бўлишига олиб келгани ҳақида хабар берганди. Жами тўрт киши, жумладан, бошқа жойда уйга уюштирилган ҳужум натижасида уч қутқарувчи ҳалок бўлган. «Жабрланганлар орасида тез тиббий ёрдам ҳамшираси ҳам бўлиб, у ёрдам кўрсатиш учун гуруҳ билан бирга воқеа жойига етиб келди. Турли даражадаги оғирликдаги ярадорларнинг умумий сони ўн икки нафарни ташкил этади», деб ёзди шаҳар ҳокими Telegram’да.
1 апрел куни Игор Терехов Украинанинг Liga.net интернет-нашрига берган интервюсида Россия шу вақтга келиб Харкивнинг деярли бутун энергетика инфратузилмасини вайрон қилганини айтди. Россия Харкивга қарши узоқроқ – 90 кмгача радиусга эга янги снарядлардан фойдаланиб, уларни Белгороддан учирмоқда. Бундай ҳолда, С-300 комплекслари ишлатилади, улардан снарядлар Харкивга 40 сонияда етиб боради, деди у.
