Чилонзор туманида Tracker ва Cobalt автомобиллари иштирокида йўл-транспорт ҳодисаси содир бўлди.
Фото: Видеодан кадр
Тошкент шаҳар ИИББ ЙҲХБ хабарига кўра, жорий йилнинг 2 май куни соат 19:15 ларда Чилонзор тумани Дўмбиробод кўчасида 2 та автомашина иштирокида ЙТҲ кузатилган.
Ҳайдовчилар: 2005 йилда туғилган Ш.А. бошқарувида бўлган Tracker русумли автомашина ва 1991 йилда туғилган К.И. бошқарувида бўлган Cobalt русумли автомашина иштирокида йўл-транспорт ҳодисаси қайд этилган.
ЙТҲ оқибатида Cobalt автомашинаси ҳайдовчиси тан жароҳати олган.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
