Қўшимча функционаллар
-
Тунги кўриниш
Малдив ороллари исроилликларнинг мамлакатга киришини тақиқлаяпти
Малдив ороллари ҳукумати тавсиясига кўра, бу мамлакат президенти исроилликларнинг ўз ҳудудига киришини тақиқлашга қарор қилди. Қонунчиликка тегишли ўзгартиришлар киритилиши керак.
Фото: presidency.gov.mv
Малдив ороллари республикаси Исроил фуқароларининг ўз ҳудудига киришини тақиқлашга тайёргарлик кўрмоқда. Мамлакат президенти Муҳаммад Муиззунинг вазирлар маҳкамаси тавсиясига кўра қабул қилинган бу қарори ҳақида 2 июн, якшанба куни миллий хавфсизлик ва технологиялар вазири Али Эҳсон матбуот анжуманида маълум қилди.
Ушбу қарор кучга кириши учун қонунчиликка ўзгартиришлар киритиш талаб этилади, дейилади президент маъмурияти баёнотида.
Исроил билан дипломатик алоқаларни давом эттирмаётган Ҳинд океанидаги орол давлати Ғазо секторидаги фаластинликлар билан бирдамлик белгиси сифатида шундай қадам ташлади.
Малдив ороллари президенти идораси матбуот хизмати хабарига кўра, давлат раҳбари, шунингдек, Бирлашган Миллатлар Ташкилотининг Фаластинлик қочқинларга ёрдам кўрсатиш ва ишлар агентлиги орқали фаластинликларга ёрдам бериш учун маблағ йиғиш кампаниясини бошлашни буюрган. Давлат муҳтож фаластинликларнинг эҳтиёжларини баҳолаш учун махсус вакил тайинлайди.
Мавзуга оид
14:07
Исроилда фавқулодда ҳолат яна бир йилга узайтирилди
16:05 / 24.12.2024
«Моссад» ходимлари «Ҳизбуллоҳ» пейжерлари ва рацияларини портлатиш амалиёти қандай тайёрланганини айтиб беришди
12:01 / 24.12.2024
Исроил Эронда Ҳамас етакчиси Исмоил Ҳанияни ўлдирганини илк бор тан олди
00:02 / 22.12.2024