Ишлаб чиқариш цехи 1 млрд сўмлик газдан ноқонуний фойдалангани аниқланди

Қарши шаҳрида яширинча тармоққа уланган ишлаб чиқариш цехи 1 млрд сўмликдан зиёд табиий газдан ноқонуний фойдалангани аниқланди.

Фото: Ўзэнергоинспекция

“Ўзэнергоинспекция” хабарига кўра, Қарши шаҳрида фуқаро М.Ф. фермер хўжалигига қарашли бинода фаолият юритаётган омихта ем ишлаб чиқариш цехи ҳужжатларсиз, тўғридан тўғри газ тармоғига уланиб, ундан ноқонуний фойдалангани аниқланди.

Ушбу қоидабузарлик ҳолати бўйича далолатнома расмийлаштирилди. Дастлабки ҳисоб-китобларга кўра, давлат манфаатларига 1 млрд 65 млн сўм зарар етказилгани маълум бўлган.

Мазкур ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.

Тайёрлаган: Отабек Матназаров

#газ #цех