«Барселона» Дани Олмо трансферини эълон қилди

26 ёшли испаниялик яримҳимоячи Каталония клуби билан 6 йиллик шартнома имзолагани эълон қилинди. 

«Барса» Олмонинг трансфери учун «Лейпциг» клубига 55+7 млн евро тўлайди. Данининг янги шартномасида товон пули миқдори 500 миллион евро этиб белгиланган.

Испаниялик ўйинчи «Лейпциг» сафига 2020 йилда ўтиб, 148 ўйинда майдонга тушганди. У ўтган мавсум Бундеслигада 21 ўйинда 4та гол ва 5та ассист қайд этди.

Эслатиб ўтамиз, Олмо Каталонияда туғилган бўлиб, 9 ёшдан «Барса» тарбияланувчиси саналади. У 16 ёшди Хорватиянинг «Динамо Загреб» клуби сафига ўтиб, у ердан 2020 йилда «Лейпциг» клубига ўтганди. 

2023 Испания миллий жамоаси билан Миллатлар лигаси кубогини қўлга киритган бўлса, 2024 йил Европа чемпионига айланди.