Ўзбекистон ташқи ишлар вазири UNFPA доимий вакили билан учрашди

Ўзбекистон ташқи ишлар вазири Бахтиёр Саидов БМТ Аҳолишунослик жамғармаси (UNFPA)нинг Ўзбекистондаги доимий вакили Нигина Абасзадени қабул қилди.

"БМТ Аҳолишунослик жамғармасининг (UNFPA) Ўзбекистондаги доимий вакили, доктор Нигина Абасзаде хоним билан самарали учрашув ўтказдик", – деб ёзди Ўзбекистон ТИВ раҳбари.

Қайд этилишича, Ўзбекистон ҳукумати оналар саломатлигини яхшилаш, аҳоли ўсиши, ёшлар салоҳиятини ошириш, гендер тенглиги ва бошқа кўплаб йўналишларда энг яхши шарт-шароитларни яратиш мақсадида халқаро ташкилотлар билан фаол ҳамкорлик қилмоқда. 

"Биз 30 йилдан зиёд вақт давомида мамлакатимизда фаолият юритиб келаётган UNFPA жамоаси томонидан олиб борилаётган барча муҳим ишларни қадрлаймиз", - дейди Бахтиёр Саидов.