Тошкентдан олиб қочилган машина Қамчиқ довонида ушланди

Машинани олиб қочган 34 ёшли шахс Тошкент шаҳар, Миробод тумани ИИО ФМБ ходимларига топширилган.

Фото: ИИБ ЙҲХБ ахборот хизмати

Тошкент шаҳридан олиб қочилган Equinox машинаси Қамчиқ довонида ЙПХ ходимлари томонидан ушланган. Бу ҳақда ИИВ ЙҲХББ ахборот хизмати хабар бермоқда.

Маълум қилинишича, бугун, 2024 йил 25 сентябр куни фуқаро Ғ.О. ўз бошқарувида бўлган Equinox машинаси қолдирилган жойида йўқлиги юзасидан "102" тизимига хабар берган.

Келиб тушган хабар бўйича ИИВ ЖХД ЙҲХХ Навбатчилик қисми томонидан "Тўсиб ушлаш" режаси эълон қилинган.

ИИВ ЖХД ЙҲХХ Қамчиқ довони бўйича ЙПХ отряди ходимлари томонидан кўрилган чора-тадбирлар натижасида Equinox ва уни олиб қочган шахс, 34 ёшли З.М. Наманган ЙПХ масканида ушланган.

Қайд этилишича, мазкур ҳолат юзасидан тегишли ҳужжатлар расмийлаштирилиб, транспорт воситаси ҳамда уни олиб қочган шахс ва унинг йўловчиси Тошкент шаҳар, Миробод тумани ИИО ФМБ ходимларига топширилган.

Тайёрлаган: Ғайрат Йўлдошев

#ўғирлик #ЙПХ