Қамчиқ довонида юк машинаси ёниб кетди
Ёнғин сабабли Қамчиқ довонидан ўтган халқаро йўлнинг бир томонида қатнов тўхтаб қолган.

Фото: Видеодан кадр
Қамчиқ довонидан ўтган халқаро автомобил йўлида юк машинасида ёнғин содир бўлган. Бу ҳақда ИИВ ЙҲХББ ахборот хизмати хабар бермоқда.
Ҳодиса бугун, 2024 йил 3 ноябрь куни соат 14:30 ларда содир бўлган. Қамчиқ довонидан ўтувчи А-373 автомобиль йўлининг 226-километрида "Водий-Тошкент" йўналишида ҳаракатланаётган юк автомобилида қисқа туташув сабабли ёнғин юзага келган.
“Айни вақтларда ФВВ ходимлари томонидан ёнғинни ўчириш чоралари кўрилмоқда. Ҳаракат хавфсизлиги ЙПХ ходимлари томонидан тўлиқ таъминланмоқда. "Водий-Тошкент" йўналишида вақтинчалик ҳаракат тўхтатилган. Ёнғин ўчирилгач, ҳаракат тўлиқ очилади”, дейилади хабарда.
Қайд этилишича, ҳодисада ҳеч ким тан жароҳати олмаган ва ҳалок бўлмаган.
Мавзуга оид

16:41 / 11.02.2025
Яккасаройда янги қурилаётган бинода ёнғин юз берди

17:39 / 07.02.2025
Тошкент вилоятидаги хонадонларнинг бирида йирик ёнғин юз берди

23:54 / 27.01.2025
Тошкентда тикувчилик корхонаси омборида ёнғин чиқди — видео

20:46 / 23.01.2025