Қўшимча функционаллар
-
Тунги кўриниш
Молдова ҳудудидан яна бир дрон топилди
10 ноябр куни Молдова полицияси мамлакат ҳудудидан иккита дрон топилгани тўғрисида хабар берганди. Кишинёв учувчисиз учиш аппаратларининг аниқланишида Москвани айбламоқда.
Фото: Молдова полицияси
Молдова полицияси Кишинёвдан 20 километр узоқликдаги Кошерница аҳоли пунктидан яна бир учувчисиз учиш аппарати топилганини маълум қилди.
«Миллий полиция бир соат олдин полициячилар Кошерница аҳоли пунктида учувчисиз учиш аппаратини топгани тўғрисида огоҳлантириш берганини маълум қилади… Дрон қулаган жойга фуқароларнинг кириши чекланган», — дейди хабарда.
Таъкидланишича, дрон қулаган ҳудудда техник-криминал марказ бўлими ва суд экспертизаси ходимлари иш олиб бормоқда. Улар комплекс текширувларни амалга ошираётгани айтилди.
Кишинёв учувчисиз учиш аппаратларининг аниқланишида Москвани айблади. Молдова Ташқи ишлар вазирлиги Россия элчиси Олег Озеровга норозилик нотасини топширди. Ўз навбатида Озеров дронлар Россияга тегишли экани тасдиқланмаганини билдирди.
Молдова полицияси 10 ноябр куни мамлакат ҳудудига қулаб тушган иккита учувчисиз учиш аппарати топилганини маълум қилганди. Дастлабки экспертиза хулосасига кўра, бу Россияда ишлаб чиқарилган, портловчи қурилмага эга бўлмаган «Шаҳед» типидаги дронидир. У РФ қўшинлари томонидан Украинага уюштирилган ҳужум доирасида учирилган бўлиши мумкин.
Мавзуга оид
20:50 / 14.12.2024
Молдова Роман Абрамовични сайловларга аралашишда айблади
10:00 / 13.12.2024
Молдова Россия гази туфайли фавқулодда ҳолат эълон қилди
20:44 / 04.12.2024
НАТО дронлар флотини тузиш ниятида экани маълум бўлди
20:47 / 18.11.2024