Сурхондарёда содир бўлган ЙТҲда пиёда ҳалок бўлди

Пиёда йўлнинг белгиланмаган қисмидан кесиб ўтаётганда уни “Тико” машинаси уриб юборган.

Фото: Видеодан кадр

Сурхондарё вилояти Жарқўрғон туманида содир бўлган йўл-транспорт ҳодисасида пиёда ҳалок бўлди. Бу ҳақда вилоят ИИБ ЙҲХБ ахборот хизмати хабар бермоқда.

Ҳодиса 2024 йил 31 декабр куни соат 20:45 ларда содир бўлган. Пиёда Жарқўрғон тумани Ўзбекистон маҳалласида йўлнинг белгиланмаган қисмидан ўтаётганда уни “Тико” машинаси уриб юборган.

Оқибатда пиёда оғир тан жароҳатлари олиб, воқеа жойида вафот этган.

Қайд этилишича, ҳодиса юз берган маҳаллада вилоят ЙПХ мутасаддилари иштирокида муҳокама йиғилиши ўтказилган. Унда ҳайдовчилар ва аҳоли вакиллари ҳушёрликка чақирилган.