5,7 млрд сўмлик газдан ноқонуний фойдаланган метан заправка аниқланди

Сирдарё вилоятининг Сирдарё туманидаги метан заправкада 5,7 млрд сўмлик газ ноқонуний фойдаланилди.

Бош прокуратура маълум қилишича, “П.М.Г.” МЧЖ мансабдор шахслари жамиятга қарашли автомобилларга газ тўлдириш компресслаш шохобчасининг ҳисоблагичига ташқи таъсир кўрсатган.

Бунинг оқибатида 5,7 млрд сўмлик табиий газни талон-торож қилган.

Мазкур ҳолат юзасидан жамият мансабдор шахсларига нисбатан Жиноят кодексининг 169-моддаси 4-қисми “а” банди (ўғрилик жуда кўп миқдорда) билан жиноят иши қўзғатилган.

Тайёрлаган: Отабек Матназаров

#газ #заправка