Самарқандда қум-шағал ноқонуний қазиб олиниши оқибатида 2,7 млрд сўм зарар етказилди

Самарқанд вилояти Экология, атроф-муҳитни муҳофаза қилиш ва иқлим ўзгариши бошқармаси томонидан Нарпай туманидаги хусусий корхона фаолияти текширилди.

Фото: Экология, атроф-муҳитни муҳофаза қилиш ва иқлим ўзгариши вазирлиги

Назорат тадбири давомида Қорадарё дарёси ҳудудида ушбу корхона ходимлари томонидан 1 та экскаватор ва 4 та юк машинаси ёрдамида қум-шағал аралашмасини ноқонуний қазиб олиш ва уни майдалаш заводига олиб кетиш ҳолати аниқланиб инспекторлар томонидан тўхтатилди.

Мазкур ҳолат юзасидан ҳуқуқбузарларга нисбатан тегишли ҳужжатлар расмийлаштирилди. Табиатга етказилган зарар миқдори 2 миллиард 722 миллион 666 минг сўм эканлиги аниқланди.

Йиғилган ҳужжатлар ҳуқуқий баҳо бериш учун Бош прокуратурага юборилди.

Тайёрлаган: Отабек Матназаров

#Самарқанд #қум-шағал