Тошкент вилоятида Howo, “ЗИЛ”, Cobalt ва Nexia тўқнашди

Оҳангарон туманида 1 апрел куни юз берган йўл-транспорт ҳодисаси бўйича расмий маълумот берилди. Тошкент вилояти ИИББ ЙҲХБ хабарига кўра, ҳодиса тахминан 08:00 ларда А373 “Тошкент—Ўш” автомобил йўлининг 34-километрида юз берган.

Йўл-транспорт ҳодисаси Howo ва “ЗИЛ” юк машиналари ҳамда Cobalt ва Nexia енгил машиналари иштирокида юз берган.

“Ушбу йўл-транспорт ҳодисаси натижасида ҳаракат иштирокчилари соғлиғига зиён етмаган. Транспорт воситалари техник шикастланган”, — дейилади идора хабарида.

Ҳозирда ҳолат юзасидан Оҳангарон тумани ИИБ ЙҲХБ томонидан суриштирув ишлари олиб борилаётгани қўшимча қилинган.

Аввалроқ Kun.uz манбаси мазкур йўл-транспорт ҳодисасида тахминан 9 та машинага зарар етган бўлиши мумкинлиги, шунингдек, қурбонлар ҳам бўлиши эҳтимоли ҳақида хабар берганди.