Fitch 2025 йилдаги глобал иқтисодий ўсиш прогнозини икки фоизгача пасайтирди

Fitch Ratings 2025 йил учун иқтисодий ўсиш прогнозини қайта кўриб чиқди. Агентликка кўра, жорий йилда глобал ЯИМ ўсиши 2 фоиздан кам бўлиши кутиляпти, бу 2009 йилдан кейинги даврдаги энг ёмон кўрсаткичдир.

Прогнозларнинг ёмонлашишига асосий сабаб сифатида савдо урушларининг кучайиши кўрсатиляпти.

АҚШ иқтисодиёти 2025 йил охирига бориб атиги 1,2 фоизга ўсиши мумкин. Хитой иқтисодиёти эса йилига 4 фоиздан кам кўрсаткичда ўсади. Европа Иттифоқи ЯИМ ўсиши эса йил якунига қадар 1 фоиздан паст бўлиши кутиляпти.

Fitch мутахассисларига кўра, Брент маркали нефтнинг ўртача нархи бир баррели учун 65 долларни ташкил этади.