Полша президенти Дуда Киевга келди

Полша президенти Анжей Дуда эълон қилинмаган ташриф билан Киевга келди ва у ерда Украина етакчиси Володимир Зеленский билан учрашишни режалаштирмоқда. Бу ҳақда 28 июн, шанба куни Дуда канцелярияси X ижтимоий тармоғида хабар берди.

«Жадвалга кўра, унинг Украина президенти Зеленский билан учрашуви режалаштирилган», — дейилади канцелярия ахборотида.

Россия Федерацияси ва Украина ўртасида кенг кўламли уруш бошланганидан сўнг, Дуда Киевга келган ва агрессияга учраган мамлакатни қўллаб-қувватлаган биринчи Европа лидерларидан бири бўлди. У яқин кунларда ўз лавозимини тарк этади.

Евроскептик Карол Навроцкий Полша президентлиги сайловларининг иккинчи босқичида 50,89 фоиз овоз олиб, 49,11 фоиз овоз олган либерал Рафал Тшасковскийни ортда қолдирди. Навроцкийнинг ғалабаси Доналд Туск бошчилигидаги ҳукумат учун жиддий зарба бўлди.

Дуданинг ваколат муддати август ойида тугайди.