Оқ уй: Трампга санкциялардан кўра дипломатия муҳимроқ

Вашингтон Москвага қандай босим ўтказиши мумкинлиги ҳақидаги саволга жавоб бераркан, Оқ уй матбуот котиби "президент зарур ҳолларда қўллаши мумкин бўлган воситалар кўп"лигини айтди.

Фото: Getty images

АҚШ президенти Доналд Трамп Россияга қарши янги санкциялар киритишни истамайди, унга дипломатия муҳим, деди Оқ уй матбуот котиби Кэролайн Ливитт Fox News телеканали эфирида.

Вашингтон Москвага қандай босим ўтказиши мумкинлиги ҳақидаги саволга жавоб бераркан, Ливитт "президент зарур ҳолларда қўллаши мумкин бўлган воситалар кўп"лигини айтди.

Шу билан бирга, у Трамп келгусида қўядиган ёки қўймайдиган қадамлари ҳақида олдиндан айтмаслигини таъкидлади.

"У доим бу низони тугатиш учун биринчи навбатда дипломатия ва музокаралардан фойдаланишини айтиб келади, у эртага айнан мана шуни режалаштирган. Агар керак бўлса, президент қўллаши мумкин бўлган санкция ва чоралар ҳам бор. Лекин бу унинг шундай қилишни хоҳлаётганини билдирмайди", - деди Ливитт.

Тайёрлаган: Kun.uz Admin

#Россия #Доналд Трамп