Қўшимча функционаллар
-
Тунги кўриниш
“Ислом цивилизацияси марказида нодир экспонатлар сақланмаган” — ФВВ
Ислом цивилизацияси марказида юз берган ёнғинда бино томидаги изоляция маҳсулотлари ёниб кетди. ФВВнинг маълум қилишича, ёнғин ўраб олинганидан кейин 2 дақиқада ўчирилган. Марказ биносида экспонатлар сақланмаган ва фуқаролар жабрланмагани айтилмоқда.
Фото: Kun.uz
19 август куни соат 11:00 лар атрофида Тошкентда қурилаётган Ислом цивилизацияси марказида ёнғин юзага келди. Тармоқларда кучли ёнғин бино ичидан чиқиб, марказнинг том қисми ва гумбазлари атрофини қамраб олгани кўринади. Видеоларда гумбаз атрофида ўнлаб инсонлар оловга ўчиришга ҳаракат қилгани кўринади. Ёнғин оқибатида осмонга қалин қора тутунлар ҳам кўтарилган.
Фавқулодда вазиятлар вазирлигининг маълум қилишича, соат 11:11 да Олмазор тумани Зарқайнар кўчасида жойлашган Ислом цивилизацияси маркази биносининг том қисмида изоляция қопламаларини ётқизиш ишлари олиб борилишида технологик жараённи бузилиши оқибатида ёнғин келиб чиққан.
«Ёнғин соат 11:32 да ўраб олиниб, соат 11:34 да ўчирилган. Ёнғин туфайли 19 кв.м бинони том қисмидаги майдонда изоляция маҳсулоти ёниб зарарланган. Ёнғин оқибатида фуқаролар жабр кўрмаган ва бинонинг ички қисми шикастланмаган. Бинода нодир экспонатлар сақланмаган», дейилади ФВВ хабарида.
Мавзуга оид
21:40 / 03.12.2025
“Ёнғин пайти ошхонада одам кўп эди” – Гулистондаги портлаш жойидан репортаж
19:45 / 03.12.2025
50 минг долларлик даъво: Тошкентда зарядга қўйилган электромобил нега ёниб кетганди?
12:53 / 01.12.2025
Ҳонгконгдаги ёнғин қурбонлари 140 нафардан ошди. Хитой намойишлар бошланишидан хавотирда
11:15 / 01.12.2025