Сўров: Немисларнинг 47 фоизи Бундесверни Украинага юборишга қарши

INSA институти томонидан сўралган немис фуқароларининг деярли ярми Германия ҳарбий хизматчиларининг Россия билан уруш эҳтимоли тугаганидан кейин Украинага тинчликпарварлик миссияси билан боришига қарши. 34 фоиз буни ёқлаб овоз берди.

Фото: Bundeswehr/Foto: Johannes Heyn

Германия фуқароларининг аксарияти — 47 фоизи Германия армияси (Бундесвер) ҳарбий хизматчилари бошқа давлатлар аскарлари билан урушлар тўхтатилгандан кейин Украинада эҳтимолий тинчликпарварлик миссиясида қатнашишига қарши чиқди. INSA социологик институти томонидан ўтказилган ва 24 август, якшанба куни Bild am Sonntag газетасида чоп этилган сўров натижалари шундан далолат бермоқда.

Ушбу маълумотларга кўра, респондентларнинг 34 фоизи Украинага тинчликпарварлик ёрдамини «тезроқ» ёқлаб чиққан. Респондентларнинг яна 7 фоизи бу борада фикр билдирмаган, 12 фоизи жавоб беришга қийналган. INSA тадқиқотида 21-22 август кунлари 1001 киши иштирок этди.

У ёки бу партиянинг сайловчилари орасида Христиан-демократик ва Христиан-социал иттифоқлар (ХДИ/ХСИ) консерватив блоки тарафдорларининг 48 фоизи Бундесвер аскарларининг Украинани қўллаб-қувватлашини маъқуллайди, уларнинг 36 фоизи эса бунга қарши. «Яшиллар» тарафдорлари орасида 53 фоиз немис қўшинларини киритиш тарафдори, 35 фоиз қарши чиқди.

Германия социал-демократик партияси (ГСДП) тарафдорлари иккига бўлинди: 41 фоизи Бундесвер иштирокини қўллаб-қувватлади, 43 фоизи қарши. «Германия учун муқобил» (ГуМ) ўта ўнг партияси сайловчилари орасида қўшин юборишга қаршилар сони 74 фоиздан ошади, атиги 16 фоизи эса буни ёқлайди. Сўл партия тарафдорлари орасида тарафдорлар ва қаршилар нисбати 49 ва 34 фоизга тенг.

Тайёрлаган: Отабек Матназаров

#Германия #Украина #Россия