Қўшимча функционаллар
-
Тунги кўриниш
Путин ва Зеленский учрашуви бўлмайди – Мерц
Германия канцлери Россия ва Украина раҳбарларининг эҳтимолий учрашуви ҳақида кескин баёнот берди.
Фото: Reuters
Россия ва Украина президентлари Владимир Путин ва Володимир Зеленскийнинг учрашуви бўлмайди, деди Германия канцлери Фридрих Мерц.
«Албатта, ўтган ҳафта президент Трамп ва президент Путин ўртасида учрашув бўлганидек, президент Зеленский ва президент Путин ўртасидаги учрашувгача иш етиб бормайди», деди у.
Мерц бошқа тафсилотларга тўхталмади, унинг баёноти Франция президенти Эммануэл Макрон билан бўлган учрашувда янгради.
Аввалроқ, Россия ТИВ раҳбари Сергей Лавров Путин Зеленский билан учрашишга тайёрлигини, аммо бунинг шарти борлигини таъкидлаган эди: олий даражада кўриб чиқилиши керак бўлган барча масалалар олдиндан ҳал этилиши керак.
Мерц баёноти Киевга Россиянинг тунги зарбаларидан кейин янгради. 27 августдан 28 августга ўтар кечаси ва 28 август куни эрталаб шаҳарда икки марта ҳаво тревогаси эълон қилинди. Шаҳар маъмуриятининг маълум қилишича, тунги портлашлар туфайли транспорт ҳаракати қисман тўхтатилган, пойтахтда эса ёнғинлардан чиққан тутун тарқалган. Сўнгги маълумотларга кўра, 19 киши ҳалок бўлган.
