Ўзбекистон президентининг махсус вакили Германия делегациясини қабул қилди

Ўзбекистон президентининг Афғонистон бўйича махсус вакили Исматулла Эргашев Германиянинг "Бергхоф" жамғармасининг Афғонистон, Марказий ва Жануби-Шарқий Осиё бўлими раҳбари Басир Феда бошчилигидаги делегацияси билан учрашди.

Фото: "Дунё" АА

ТИВ маълумотига кўра, музокаралар чоғида томонлар Афғонистон бўйича икки томонлама ҳамкорликнинг жорий ҳолатини ҳар томонлама муҳокама қилди.

Афғонистон муаммосини ҳал этиш бўйича мунтазам мулоқотни қўллаб-қувватлашга ўзаро манфаатдорлик таъкидланди.

Учрашув конструктив руҳда ўтди ва Тошкент ҳамда "Бергхоф" жамғармаси ўртасидаги амалий мулоқотни янада ривожлантиришга ўзаро манфаатдорликни тасдиқлади.