Қўшимча функционаллар
-
Тунги кўриниш
Июл-август ойларида электромобил импортида “бум” кузатилди
Охирги 2 ойда божхона органлари 15 мингтага яқин электромобил импортини расмийлаштирди. Бу – йилнинг биринчи ярмидаги 6 ойлик умумий кўрсаткичдан ҳам кўпроқ. Ўзбекистонга четдан олиб кирилаётган ҳар 10 та енгил автомобилдан 7 таси – электрокар.
Фото: AP
Июл-август ойларида Ўзбекистонга электромобил импорти кескин ошди. Kun.uz эътибор қаратган Божхона қўмитаси статистикаси шундан дарак бермоқда.
Қўмита сайтидаги очиқ маълумотларга кўра, 2025 йилнинг дастлабки 6 ойи давомида 14 355 дона электромобил олиб кирилган бўлса, шундан кейин июл-август ойларида ундан ҳам кўпроқ – 14 593 та электрокар импорт қилинган.
Бензинда ҳаракатланадиган ва гибрид моделлар импорти бўйича рақамларда бундай аномалия кўзга ташланмайди.
Январ–август ойларида бензинда юрадиган машиналарга қараганда 2,5 баробарга кўп электрокар олиб кирилгани эътиборли. Енгил машиналар импортида фақат бензинда ҳаракатланадиган моделларнинг улуши 26 фоизга тушиб қолган. Хориждан келтирилган енгил машиналарнинг 69 фоизи фақат электр двигатели билан жиҳозланган.
Гибрид моделлар борган сари бозорни тарк этмоқда: бундай уловлар импорти йиллик нисбатда 5 баробарга қисқарган.
2025 йилнинг дастлабки 8 ойида жами 42 230 та енгил автомобил олиб кирилган бўлиб, бу – ўтган йилнинг мос даври (47 928 та)га нисбатан 11,9 фоизга кам.
Мавзуга оид
15:40
Ташқи савдо товарларига қўйилган чеклов ва тақиқлар бўйича ягона реестр жорий этилади
13:47 / 04.12.2025
Россияда янги машиналар сотуви бир йилда 17,8 фоизга тушиб кетди
19:45 / 03.12.2025
50 минг долларлик даъво: Тошкентда зарядга қўйилган электромобил нега ёниб кетганди?
17:00 / 03.12.2025