Дубай марказини бутунлай ўзгартирган Бурж Халифа: ноёб фотосуратлар

Дунёдаги энг баланд бино Дубай рамзига айланди. 2010 йилда қуриб битказилганидан бери Бурж Халифа шаҳар тимсолига айланди ва унинг маркази бўлиб хизмат қиляпти.

XXI аср бошида биринчи пойдевор қўйилганидан бери Дубайнинг маркази осмонўпар бино билан бирга ривожланди. Бунга ишониш қийин, лекин дунёдаги энг баланд минора қурилишидан олдин шаҳар маркази асосан чўл эди.

2004 йилда Emaar девелоперлик компанияси Ню-Йоркдаги Қуйи Манҳэттен, Лондоннинг Вест-Энди ва Париждаги Сена Сўл қирғоғи билан рақобатлашадиган «катта шаҳар муҳитини яратиш» мақсадини кўзлаган шаҳар маркази учун дадил режаларини эълон қилди. Келажакда Бурж Халифа лойиҳанинг марказида бўлиши керак эди ва ҳудуддаги барча бинолар унинг кўринишини ҳисобга олган ҳолда режалаштирилган.

Қурилиш 2004 йилда бошланган, ўшанда Дубай маркази деярли таниб бўлмас эди. Ушбу гигантни қуриш учун улкан ресурслар керак эди: 320 минг куб метр бетон, 39 минг тонна пўлат ва 103 минг квадрат метр шиша.

Расмий очилиш 2010 йил январ ойида бўлиб ўтди. Қурилиш 22 миллион киши-соатни талаб қилди, миноранинг умумий майдони эса 5,67 миллион квадрат футни ташкил этди.

2007 йил июль ойида Бурж Халифа дунёдаги энг баланд бинога айланиб, Тайвандаги Тайбэй 101 дан ўзиб кетди ва 141 қаватга етди. Бугунги кунда минора 163 қаватдан иборат.

Бино кўп мақсадли йўналишга эга: бу ерда меҳмонхоналар, офислар, ултра ҳашаматли квартиралар ва кузатув майдончалари мавжуд.

Бироқ Саудия Арабистонининг сўнгги режалари Бурж Халифани дунёдаги энг баланд минора унвонидан маҳрум қилиши мумкин. Jeddah Tower (расмий равишда Jeddah Economic Company Tower) қуриб битказилгандан кейин баландроқ бўлади – Бурж Халифадаги 828 метрга нисбатан камида 1000 метр.