Саида Мирзиёева Брюсселда Йозеф Сикела билан учрашди

Ўзбекистон президенти администрацияси раҳбари Саида Мирзиёева Брюсселга ташриф давомида халқаро ҳамкорлик бўйича Европа комиссари Йозеф Сикела билан учрашди.

Фото: Саида Мирзиёева / Telegram

Ўзбекистон билан Европа Иттифоқи ўртасидаги алоқаларни янада кенгайтириш масалалари муҳокама қилинди. Ўзаро муносабатлар бугунги кунда сиёсий, иқтисодий, инвестициявий ва маданий-гуманитар соҳаларда жадал ривожланиб бормоқда.

Мулоқот давомида аниқ лойиҳа ва ташаббусларни илгари суришга алоҳида эътибор қаратилди.

"Ҳамкорлик йўлида, шу жумладан Марказий Осиё миқёсида очилаётган янги имкониятларни тўлиқ ишга солиш муҳимлиги қайд этилди. Биз ЕИ билан шерикликни янада кенгайтиришга содиқлигимизни тасдиқладик", деди Саида Мирзиёева.