Қўшимча функционаллар
-
Тунги кўриниш
ЕК Gucci, Chloé ва Loewe'ни миллионлаб евро жаримага тортди
Учта люкс бренд йиллар давомида Европа Иттифоқининг монополияга қарши қоидаларини бузган. Энди Европа комиссияси уларга 157 миллион евродан ортиқ жарима тўлашни буюрди.
Фото: Michael Gstettenbauer/IMAGO
Европа комиссияси (ЕК) Gucci, Chloé ва Loewe люкс брендларини Европа Иттифоқининг монополияга қарши қонунларини бузганликда айблаб, уларга катта миқдорда жарима солди. 14 октябр, сешанба куни эълон қилинган ЕК баёнотига кўра, ҳар учала компания ҳам мустақил дўконлар ва ўз маҳсулотларини сотувчи онлайн платформаларнинг тижорат амалиётига аралашган. Компаниялар регуляторнинг қарорига рози бўлди.
Энг катта жарима – 120 миллион еврони Франциянинг Kering концерни таркибига кирувчи Gucci тўлайди. Франциянинг Chloé мода уйи 20 миллион евро, испан бренди Loewe эса тахминан 18 миллион евро тўлашга мажбур бўлди. Бу миқдорлар аллақачон камайтирилган, чунки уч компания ҳам тергов билан ҳамкорлик қилган, дея таъкидлади Еврокомиссия.
Брюссел расмийларига кўра, Gucci, Chloé ва Loewe мустақил равишда, аммо ўхшаш тарзда ҳаракат қилган. Хусусан, улар бошқа дўконларга тавсия этилган нархлардан четга чиқишни, максимал чегирма даражасини белгилашни ва сотиш муддатларини белгилашни тақиқлади. Баъзи ҳолларда улар чакана сотувчиларга маҳсулотларга, жумладан сумкалар, кийим-кечак, пойабзал ва заргарлик буюмларига чегирмаларни таклиф қилишни тақиқлаган, дея қўшимча қилди Еврокомиссия.
Мавзуга оид
10:55 / 13.11.2025
Тошкент шаҳри ва вилоятида атмосферага зарар етказаётган 100 дан ортиқ хўжалик фаолияти тўхтатилди
14:47 / 10.11.2025
Марказий банк 18 та банкни 102 млн сўмдан жаримага тортди
11:32 / 03.11.2025
Пиротехника бўйича давлат назорати ва жарималар оширилади
22:54 / 02.11.2025