Рейтинг: экспорт ҳажми бўйича 30 та энг йирик давлат

Хитой АҚШ божларининг асосий объекти бўлиб қолса-да, мамлакат 2025 йилда Африка, Жануби-Шарқий Осиё ва Европа билан савдо алоқаларини кенгайтирди. Хитой ўзининг жаҳон экспорти етакчиси мақомини мустаҳкамлагач, АҚШ иқтисодий жиҳатдан ўзини ўзи таъминлаш даражасини оширишга тобора кўпроқ эътибор қаратмоқда.

Фото: AP

Жаҳон савдо ташкилоти маълумотларига кўра, Хитой 2024 йилда ўз экспортини 6 фоизга ошириб, 3,6 триллион долларга етказди ва АҚШ билан фарқни янада кенгайтирди. Бугунги кунда глобал экспорт контейнерларининг 36 фоизида Хитой товарлари мавжуд. Хитой, шунингдек, 2025 йилда Лотин Америкаси, Африка ва Осиё бозорларига рекорд даражадаги экспортга тайёрланмоқда.

Қўшма Штатлар ўтган йили 2,1 триллион долларлик экспорт билан дунёдаги иккинчи йирик экспортчи бўлиб қолмоқда. 2025 йилнинг январидан июлигача Америка товарларига талабнинг тахминан 30 фоизи Канада ва Мексика ҳиссасига тўғри келган.

Германия 1,7 триллион долларлик экспорт билан учинчи ўринни эгаллади, бу ўтган йилга нисбатан 1 фоизга камайган бўлса, ундан кейинги ўринда 921 миллиард доллар билан Нидерландия бормоқда.

Ветнам, Ҳонгконг ва Франция экспортнинг энг тез ўсишини қайд этди — мос равишда +14 фоиз, +12 фоиз ва +11 фоиз. Хусусан, Ветнамнинг экспансияси глобал таъминот занжирларини қайта қуриш шароитида нефт, қаҳва ва гуручнинг фаол экспорти билан боғлиқ.

Россия Жаҳон савдо ташкилоти рейтингида 19-ўринда. 2025 йилнинг биринчи ярмида мамлакат маҳсулот экспортини ўтган йилга нисбатан 2 фоизга оширди.

Тайёрлаган: Отабек Матназаров

#экспорт #Рейтинг