Сув етказиб бериш хизматлари фаолиятига қўшимча ваколатлар берилмоқда

“Қуйи бўғинда сув ресурсларини бошқариш тизимини янада такомиллаштириш ҳамда соҳанинг хусусий сектор учун жозибадорлигини ошириш чора-тадбирлари тўғрисида”ги президент қарори қабул қилинди.

Фото: ЎзА

Қарорни қабул қилишдан кўзланган асосий мақсадли кўрсаткичлар этиб қуйидагилар белгиланди, жумладан:

🔹 160 та “Сув етказиб бериш хизмати” давлат муассасаларининг молиявий мустақиллигини ошириш, уларда штатларни эгилувчан бошқариш тизимини жорий қилиш ҳамда моддий-техник базасини мустаҳкамлаш;
🔹 Жиззах, Қашқадарё, Навоий, Наманган, Самарқанд ва Сирдарё вилоятларидаги насос станцияларининг 50 фоизини 2026 йилда давлат-хусусий шериклик асосида бошқарувга бериш;
🔹 “Сувчилар мактаби” лойиҳаси доирасида 141 та туманда камида 3,5 минг гектар ер майдонида ўқув дала-шийпонларини ташкил этиш.

Сув етказиб бериш хизматлари фаолияти самарадорлигини ошириш мақсадида, уларга қуйидаги қўшимча ваколатлар берилди, жумладан:

▪️ молиявий ҳолатдан келиб чиқиб ҳамда мавсумга қараб мустақил равишда штат бирликлари сонини белгилаш;
▪️ сув ресурсларидан фойдаланганлик учун солиқдан давлат бюджетига тушган тушумнинг 40 фоизи миқдоридаги маблағлар ҳисобидан моддий-техник базани мустаҳкамлаш.

Кооператив ташкил этилгандан сўнг янги ҳисобот йилидан бошлаб “Дўстлик тумани сув етказиб бериш хизмати” давлат муассасасининг вазифа ва функциялари кооперативга ўтказилади.