Энергетика тизими кучайтирилган иш режимига ўтказилди

Энергетика вазирлигининг билдиришича, электр энергияси ёки табиий газни оммавий ўчириш, режали чеклов жорий этиш ҳақидаги хабарлар нотўғри.

Фото: Энергетика вазирлиги

Ўзбекистонда ҳаво ҳарорати кескин пасайиши сабабли энергетика тизими кучайтирилган иш режимига ўтказилди, деб маълум қилди Энергетика вазирлиги матбуот хизмати.

Қайд этилишича, ёқилғи-энергетика тизими совуқ об-ҳаво шароитида барқарор ишлаш бўйича тегишли чора-тадбирлар амалга оширилмоқда.

Энергетика вазирлигининг билдиришича, электр, иссиқлик ва газ тармоқларида қўшимча техник кўриклар ўтказилиб, ишлаб чиқариш ва етказиб бериш қувватлари мавжуд шароитга мослаштирилди.