Бугун айрим ҳудудларда кучли шамол кузатилиши мумкин

Бугун, 21 январ куни Қорақалпоғистон Республикаси, Хоразм, Бухоро, Навоий, Тошкент, Қашқадарё ва Сурхондарё вилоятларининг айрим жойларида шамол тезлиги 13–18 м/с гача кучайиши эҳтимоли бор.

Фото: Ижтимоий тармоқлар

Кучли шамол айрим ҳудудларда чанг-тўзон кўтарилиши, кўриш масофаси пасайиши ва йўл ҳаракатига салбий таъсир кўрсатиши мумкин. Шу муносабат билан аҳоли ва ҳайдовчилардан эҳтиёткорлик чораларига қатъий риоя қилиш сўралмоқда.

Тавсиялар:

енгил конструкцияли буюмлар, реклама баннерлари, том қопламалари ва бошқа мосламаларни мустаҳкамлаб қўйиш;
дарахтлар, электр симлари, реклама шчитлари ҳамда эски иншоотлар ёнида узоқ турмаслик;
автомашиналарни дарахт остига ва енгил конструкциялар яқинига қўймаслик;
йўлда масофани сақлаш, кескин манёврлардан тийилиш, юқори тезликда ҳаракат қилмаслик.

Тошкент шаҳрида кундузги соатларда ҳаво асосан булутли бўлиши кутилмоқда.