Франциянинг «ПСЖ» клуби Англиянинг эндиликда амалдаги чемпиони «Лестер» футболчиси Н‘голо Кантени ёзги трансферлар ойнаси пайтида сотиб олишни режалаштирмоқда.

L’Equipe нашри берган хабарга кўра, Париж клуби 25 ёшли француз яримҳимоячиси учун курашда етакчилик қилмоқда.

Француз жамоаси спорт директори Оливье Летанг бир неча маротаба Канте билан учрашган ва амалга ошиши мумкин бўлган трансфер борасида гаплашиб олишган.

Кантега «ПСЖ»дан ташқари Англиянинг «Арсенал», «Манчестер Сити» ва «Манчестер Юнайтед» жамоалари ҳам қизиқиш билдиришмоқда.