TATUda dasturlash bo‘yicha olimpiada bo‘lib o‘tdi

2016 yilning 20-21 may kunlari Toshkent axborot texnologiyalari universitetida “Toshkent axborot texnologiyalari universiteti, uning xududiy filiallari va Toshkent shahridagi INXA universitetlari birinchi bosqich talabalari o‘rtasida dasturlash bo‘yicha jamoaviy olimpiada” bo‘lib o‘tdi.

Ushbu musobaqa mamlakatimizda ta'lim-tarbiya jarayonida talabalarning faoligini oshirish va ularning intellektual salohiyatini rivojlantirish, iqtidorli yoshlarni rag‘batlantirishga qaratilgan vazifalarni bajarilishini ta'minlash maqsadida uchinchi bor tashkil etildi.

Saralash natijalariga ko‘ra ikkinchi, final bosqichida Toshkent shahrining 13 jamoasi, Samarqand filialining 5 jamoasi, Urgench filialining 2 jamoasi, Farg‘ona filialining 3 jamoasi va Toshkent shahridagi INXA universitetining 1 ta jamoasi qatnashdilar.

Natijalar:
1-o‘rin. Tashkent U of IT 2 jamoasi.
Axmadaliyev Abdulla, Murtozaqulov Xo‘jamurod, Kalabayev Sharapat
Murabbiy: Maxmudov Anvarjon Zokirovich

2-o‘rin. Tashkent U of IT 1 jamoasi.
Qambaraliyev Shaxzod, Xo‘jabekov Samandar, Yeshonaliyev Azizbek
Murabbiy: Mo‘minov Baxodir Boltayevich

3-o‘rin. INHA #2 jamoasi.
Isakov, Mamataliyev, Xamidov

Bunday musobaqalar mamlakatimizda dasturlash industriyasiga o‘z hissasini qo‘shadigan yuqori malakali mutaxassislarni yetkazib berishda va Jahon olimpiadalarida O‘zbekiston sharafini ximoya qilib, bayrog‘ini baland ko‘taradigan jamoalarni shakllantirishda poydevor vazifasini bajaradi.