Геймерлар пойга симуляторида Гиннесс рекордини ўрнатишди

Технология 19 Август 2016 4824
Фото:motor.ru

Беш нафар компьютер ўйинлари профессионаллари «видеоўйин бўйича дунёдаги энг узоқ давом этган пойга марафони»ни қайд этишди. Шу билан улар ўз натижаларини жаҳон Гиннесс рекорди сифатида ҳам рўйхатдан ўтказишди. Геймерлар, икки кеча-кундуз давомида 41 004 виртуал кмни ортда қолдиришган. Улар Forza Motorsport 6 пойга симулятори ёрдамида «Ле-ман» трассасида Ford GT суперкарини бошқариб шундай натижага эришганлар. 

Пойга 48 соат 29 дақиқа 21 сония давом этган, бу аввалги натижадан 28 дақиқа кўпроқ деганидир. Шу вақт мобайнида ўйинчилар 32 та қувват берувчи ичимлик, 146 идиш сув, 47 идиш газланган ичимлик ичиб, 3 кг ширинлик тановул қилишган. Ўртача ҳар бир «пойгачи» ўйин рулини тўққиз соатдан кўпроқ бошқариб, 603 айланани амалга оширган. 

«Улар имконсиз ишни амалга оширишди. Худди “Ле-Ман”даги каби бошқариш, ахир бу пойга йўлаги пойгачидан жуда ҳам диққатли бўлишни, катта кучни талаб қилади. Шу билан бирга, улар бизга қараганда 2 баравар кўпроқ ўтиришди», — деган Ford Chip Ganassi Racing жамоаси пилоти Штефан Мюкке. 

Сўнгги «Ле-Ман» пойгасида Америка жамоаси LMGTE Pro тоифасида иштирок этиб, Ford GT купеси ёрдамида ғалаба қозонган эди. 

Аввалроқ, Ford компанияси GT суперкарини яна икки йил ишлаб чиқаришини маълум қилганди. Шундай қилиб, америкаликлар 4 йил мобайнида купенинг мингдан ортиқ нусхасини ишлаб чиқаради. Ford GT суперкарига 3,5-литрли жуфт-турбо V6 мотори қўйилади. У машинани 600 от кучидан кўпроқ қувват билан таъминлайди. 

 

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 28495 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 64355 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 7959 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 124622 Жамият
Афғонистонда толибларнинг етакчиларидан бири ўлдирилди
17:46 2 Жаҳон
Украинада Франциянинг 200 млн еврони ўзлаштирган фуқароси қўлга олинди
17:31 496 Жаҳон
Ўзбекистон Республикаси Олий суди турли миш-миш хабарларга раддия берди
Мейвезер ва Макгрегор баҳсидан ҳам муҳимроқ жанг
17:16 2207 Спорт
Ҳаракатлар зое кетмади, аммо Аллоҳнинг тақдири экан...
16:40 13003 Жамият
Хитой ривожланган давлат бўлиш учун нима қилмоқда?
Кўпроқ янгиликлар