Checheniston rahbari vazifasini bajaruvchi Ramzan Qodirovning bayonot berishicha, respublika 2018 yilgi futbol bo‘yicha jahon chempionati guruh bosqichi o‘yinlarini Kavkazda o‘tkazish imkoniyati uchun kurashish niyatida.
«Mutko bu masalada qat'iy qarashda. Men u bilan boshidayoq gaplashganman. Imkonlar bor, hech bo‘lmasa bitta o‘yinni Kavkazda, xususan Chechenistonda o‘tkazishlari uchun kurashamiz. Buning uchun bizda barcha sharoitlar mavjud», — deya Qodirov so‘zlarini keltiradi TASS agentligi.
JCh-2018 o‘yinlari 2018 yil 14 iyunidan 15 iyuligacha Rossiyaning 11ta shahridagi 12ta stadionda bo‘lib o‘tishi rejalashtirilmoqda. Bular: Moskva, Sankt-Peterburg, Qozon, Nijniy Novgorod, Saransk, Kaliningrad, Volgograd, Yekaterinburg, Samara, Sochi va Rostov shaharlaridir.