Кувайтдаги нашр Ўзбекистондаги сайлов ошкоралик муҳитида ўтишига ишонч билдирди

Ўзбекистон 10 Октябрь 2016 3204

Кувайтда чоп этиладиган «As-Siyasa» газетасида «Ўзбекистонда бўлажак президентлик сайловлари ошкоралик муҳитида ўтади» сарлавҳаси остидаги мақола босилиб чиқди. Бу ҳақда Жаҳон ахборот агентлиги хабар берган.

Мақола Ўзбекистонда 4 декабрь куни бўлиб ўтадиган Ўзбекистон Республикаси Президенти сайловлари мавзусига бағишланган.

Унда Ўзбекистон Марказий сайлов комиссиясининг қарорига биноан, жорий йил 4 декабрда республикада давлат раҳбари сайловлари бўлиб ўтажаги тўғрисидаги хабарни газетхонлар эътиборига ҳавола этиш билан бошланади. 

Мақолада “Ўзбекистон Марказий сайлов комиссияси мамлакат Президенти сайловига 4та партиядан кўрсатилган номзодлар иштирок этишини тасдиқлади. Тадбиркорлар ва ишбилармонлар ҳаракати - Ўзбекистон либерал-демократик партияси Ўзбекистон Президенти вазифасини вақтинча бажарувчи Шавкат Мирзиёев, Ўзбекистон «Миллий тикланиш» демократик партияси Олий Мажлис Қонунчилик палатаси Спикери ўринбосари Сарвар Отамуратов, «Адолат» социал-демократик партияси ва Ўзбекистон Халқ демократик партияси ўз етакчилари Наримон Умаров ва Ҳотамжон Кетмонов номзодларини мамлакат Президенти лавозимига номзод сифатида илгари сургани” маълум қилинган.

Кувайт газетаси сайлов жараёнининг барча босқичларида ошкоралик ва очиқликни таъминлаш олдинда турган Ўзбекистон Президенти сайловларига тайёргарлик кўриш чоғидаги асосий устуворлик ҳисобланишини қайд этган. Шу боис Марказий сайлов комиссияси Европада хавфсизлик ва ҳамкорлик ташкилотининг Демократик институтлар ва инсон ҳуқуқлари бўйича бюроси, Мустақил Давлатлар Ҳамдўстлиги Ижроия қўмитаси, Шанхай Ҳамкорлик Ташкилоти, Ислом ҳамкорлиги ташкилоти ва Бутунжаҳон сайлов органлари ассоциациясига Ўзбекистон Республикаси Президенти сайловининг халқаро кузатувида иштирок этиш учун расман таклифномалар юборганини алоҳида таъкидлаган.

“Бир вақтнинг ўзида сайловлар мониторинги учун 300 нафардан зиёд кузатувчи ҳам аккредитациядан ўтади”, деб ёзади нашр.

Шунингдек, «As-Siyasa» газетаси сайловолди кампаниясида сайлов комиссиялари фаолиятини изчил ва тўлиқ ёритишга, Ўзбекистон Президентлигига номзодлар учун оммавий ахборот воситаларидан фойдаланишда кенг ва тенг имкониятлар яратилишини ўз ўқувчиларининг эътиборига ҳавола қилган. 

Бундан ташқари, мақолада Ўзбекистон Республикаси ташқи сиёсатининг асосий йўналишлари ҳақидаги маълумотлар ҳам ўз ифодасини топган. 

Нашр Ўзбекистон Ташқи ишлар вазири Абдулазиз Комиловнинг Бирлашган Миллатлар Ташкилоти Бош Ассамблеясининг 71-сессиясининг умумий мунозараларидаги чиқишига таянган ҳолда Ўзбекистон ўзининг асосий манфаатларини ҳимоя қилиш ва илгари суришга қаратилган ташқи сиёсатини изчил давом эттириши ҳам маълум қилинган. 

Шу билан бирга, муаллиф Ўзбекистон Республикаси Президенти вазифасини бажарувчи Шавкат Мирзиёевнинг республика бундан буён ҳам барча хорижий мамлакатлар, жаҳон ҳамжамияти билан самарали ҳамкорликни давом эттириши, бу борада Ўзбекистоннинг халқаро миқёсдаги обрў-эътибори ва позициясини янада кучайтириш мақсадида Ўзбекистон Республикасининг Ташқи сиёсий фаолияти концепцияси фаол амалга оширилишини ҳам қаламга олган.

Мақола интиҳосида олдинда турган мазкур сайловлар умум миқёсда қабул қилинган демократия тамойиллари ҳамда амалдаги миллий қонунчилик меъёрларига мувофиқ равишда ўтказилишига комил ишонч билдирилган.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 48851 Жамият
Қозоғистонда ўзбек автомобиллари ишлаб чиқарилиши кенгайтирилиши мумкин
Лотин алифбосидан кимлар қўрқади?
22:45 404 Жамият
Президент 2017 йилда ғўза дефолиациясини ўз вақтида ва самарали ўтказишга доир қарорни имзолади
Мустақиллик байрами Миллий боғда ўтказилмайди
Samsung Galaxy S9 cмартфони билан боғлиқ баъзи маълумотлар ошкор бўлди
2018 йил ҳосили учун август пиёзи ҳамда тўқсонбости усулида сабзавот экинларини жойлаштиришга доир қарор имзоланди
Полиция Барселона теракти ижрочиси йўқ қилинганини тасдиқлади
22:20 1468 Жаҳон
Испаниялик сузувчи жаҳон чемпионатида терактлар қурбонлари хотирасига бир ўзи сукут сақлади
22:20 680 Спорт
АҚШ ҲДК навбатдаги тўқнашувдан сўнг Тинч океанидаги тадқиқотларини тўхтатди
22:15 940 Жаҳон
Кўпроқ янгиликлар