Fotojamlanma: Buyuk Britaniyada kuchli qor va sovuq ob-havo hukmron

Buyuk Britaniyaga bo‘ron havo haroratining keskin pasayishi va kuchli qorlarni olib keldi. Mamlakat bo‘ylab avtomobil harakati murakkablashgan. Sharqiy qirg‘oq aholisi suv toshqinlari borasida ogohlantirildi, ba'zilar xavfsiz hududlarga ko‘chirilgan.

Mamlakatning bir qator hududlarida qor erib ketgan, biroq sovuq ob-havo sabab muzga aylandi. Yo‘llardagi vaziyat yanada yomonlashgan. Temir yo‘l qatnovi bekor qilindi, yuzlab aviareyslar qoldirildi.

Shotlandiyada esa yo‘llarning bir qismi butunlay yopilgan va ba'zi bir maktablarda o‘quvchilarga uylarida qolishga ruxsat berilgan.

Buyuk Britaniyada 15 yanvardan boshlab ob-havoning iliqlashishi kutilmoqda, biroq keyingi sovuq havo oqimi bir sutka o‘tib yana qaytishi mumkin.