Хитойнинг WPG компанияси янги авлод пауэрбанки учун  пул воситалари йиғиш бўйича кампанияни йўлга қўйди. Инқилобий аккумуляторни ишлаб чиқариш учун пуллар JD.com майдонида тўпланди. Маблағ кампания муддати тугашидан анча олдин йиғиб бўлинган. Нi-tech шу ҳақида хабар берди. 

Янги аккумулятор сиғими - 5 000 мАс. Уни тўлиқ зарядлаш учун атиги 10 дақиқа керак бўлади - бу бундай сиғимдаги тижорат пауэрбанклари учун рекорддир. 

Графен аккумуляторнинг заряд вақтидаги ҳарорати литий аналоглардан анча паст. 

Бошқа қурилмаларни зарядлаш тезлиги танланган параметрларга боғлиқ. 5В/3А, 9В/2А, 12В/1,5А режимлари қўллаб-қувватланади, максимал чиқиш қуввати - 18 Вт.

Бундан ташқари, WPG компанияси 1000 мАс'ли ихчам аккумулятор ишлаб чиқишни режалаштирмоқда.  

Лойиҳани амалга ошириш учун 100 минг юань керак бўлган. Мақола тақдим этилгунга қадар 233 минг юань йиғишга муваффақ бўлинган, сумма кўпайиб бормоқда. Йиғимлар 18 февраль куни якунланади. 

Ҳозирча пауэрбанкларнинг нархи ҳақида маълумот йўқ. Бироқ уларнинг кумушранг, тилларанг ва тим қора рангли корпусларда таклиф этилиши маълум.