Google'га иш сўраб мурожаат қилган 7 ёшли қиз кутилмаган жавобни олди

Lifestyle 16 Февраль 2017 44013

Буюк Британиядаги Ҳерефорд шаҳрида яшовчи 7 ёшли мактаб ўқувчиси Хлоя Брижуотер Google'да карьера қуришга қарор қилди ва отаси билан бирга компания "босс"ларига уни ишга олиш сўралган мактубни йўллади. Бир неча кундан кейин қизчага Google бош директоридан жавоб хати келди. Унда компания раҳбари қизчага миннатдорчилик билдириб, мактабни тугатганидан сўнг резюме йўллашни таклиф қилди. Business Insider шу ҳақида хабар берди. 

Хлоянинг отаси Энди Брижуотернинг сўзларига кўра, ҳаммаси ота-боланинг ишлаш учун энг "мукаммал жой" ҳақидаги суҳбатидан бошланган. Ота қизига Google ҳақида сўзлаб берган ва идоранинг бир неча суратини кўрсатган. Қизчани Кремний водийсидаги компания кампусининг интерьери (қоп-креслолар, картинг учун трасса ва арғимчоқлар) ўзига жалб қилган.

Шундан кейин қизча ҳам отасига компанияда ишлаш истагини билдирган. У отаси ёрдамида Google "босслари"га ишга қабул қилиш сўралган ариза ёзган ва унда "қоп-креслоларда ўтириш, арғимчоқ ва карталарда учиш" истагини баён қилган. 

Қизча мактубида аввал бошданоқ ҳозир эмас, бироз улғайгач ишга жойлашишни исташини таъкидлаган. Хлоя мактабда ўқитувчилари уни мақташи, ўзи эса компьютер ва роботларни яхши кўришини  қайд этган. 

Қизча Google'га муқобил иш жойи сифатида шоколад фабрикаси ва Олимпия ўйинларида сузувчи бўлиш истагини билдирган. 

12 февралда Брижуотер ўзининг LinkedIn'даги саҳифасида унга Google бош директори Сундара Пичаидан жавоб мактуби келганини маълум қилди. Раҳбар қизчага мактуб учун миннатдорчилик билдириб, унинг келажакда албатта ўз мақсадларига эришишига ишонч билдирган. Google'да мактубнинг ҳақиқийлиги тасдиқланди. 

Отанинг сўзларига кўра, қизча Пичаининг жавобидан жуда хурсанд бўлган. Мактуб Google'да ишлашни истовчи қизчани янада яхши ўқишга руҳлантирган.

Брижуотер Google бош директоридек банд кишининг 7 ёшли қизчага жавоб мактуби ёзгани ва "унинг орзусини яқинлаштиргани"дан ажабланган. 

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 30124 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 66975 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 8820 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 128498 Жамият
Отабек Мусаев «Ўзбеккино» раҳбарлигидан кетди
ОАВ: ИШИД Сургутдаги ҳужум учун жавобгарликни ўз зиммасига олди
19:30 1973 Жаҳон
Қашқадарёда учта йирик тиббиёт маркази барпо этилмоқда
NASA улкан астероиднинг Ерга яқинлашишини кўрсатди (видео)
19:10 4611 Жаҳон
«Барселона» «Ницца» футболчиси билан келишувга эришди
19:00 1834 Спорт
Дам олиш куни Ўзбекистонда қандай об-ҳаво кузатилади?
Кўпроқ янгиликлар